شيري عادل تكشف حقيقة ارتباطها بعد انفصالها عن الداعية معز مسعود

كشفت الفنانة شيري عادل حقيقة الأخبار المتداولة عن خطوبتها وارتباطها العاطفي من خلال تصريحات صحفية جاء فيها: "لما أقرر الارتباط هقول بس أقرر الأول لسة مافيش حاجة". وأضافت: "أعتقد إني هفكر كويس؛ إني هاخد خطوة زي دي إن شاء الله".

كما قالت عن السوشيال ميديا: "أكيد في حاجات وهمية على الإنترنت... لأنه عالم متعرفش مين عنده كام أكونت أو أنا عندي كام أكونت؛ مش بنبقى عارفين".

وأضافت: "لكن بكل تأكيد السوشيال ميديا مهمة جداً، وأنا طبعاً مش متفاعلة أوي لأني مش شاطرة في الموضوع ده والناس كلها مهتمة بيها وبقيت هي الدعاية فهي مهمة ولازم نشتغل عليها".

وحول عدم مشاركتها في الموسم الرمضاني لهذا العام، قالت: "موسم رمضان له طعم مميز يخليني أختار عمل مهم ومختلف علشان أشارك فيه"

وتابعت: "المنافسة في رمضان بتكون قوية وأعمال كتيرة بتتعرض والجمهور بيتفرج وبيكون متابع للأعمال في هذا الشهر. لكن في الوقت نفسه غيابي عن رمضان بيكون بسبب إن في أوقات مش بيتعرض عليَّ أعمال قوية فأفضل عدم المشاركة لازم أبقى واثقة قوي من العمل اللي هقدمه".

واختتمت: "الأعمال خارج رمضان بيكون ليها فرصة أكبر في المشاهدة رغم إن الوضع اختلف دي الوقتي، فمسلسل "أيام" لمّا عُرض إتعرض خمس مسلسلات معاه".

وكانت الفنانة الشابة قد انفصلت بشكل نهائي عن الداعية والمنتج معز مسعود، بعد فترة ليست بالقصيرة كانا فيها حديث وسائل الاعلام، ولم يذكر أي منهما السبب الحقيقي وراء انتهاء هذا الزواج.

موضوعات متعلقة:

شيري عادل تعيش حالة من الاكتئاب بسبب زواج معز مسعود وحلا شيحة.. ما الحكاية؟!

شيري عادل تنشر صورة والدها احتفالا بعيد ميلاده وتبعث له رسالة الى العالم الآخر شاهد ماذا قالت

معز مسعود ينشر صورة رومانسية جديدة مع شيري عادل

زواج معز مسعود من شيري عادل بعد انفصاله عن بسنت نور الدين