أسما شريف منير تنفي شائعة انفصالها عن خطيبها

نفت خبيرة التجميل، أسما شريف منير، الشائعات المتداولة عن انفصالها عن خطيبها الممثل محمود حجازي، والتي يرجع السبب فيها إلى أنها قامت مؤخرًا بكتابة منشورات عبر حسابها الرسمي على موقع التواصل الاجتماعي "فيسبوك" تعبر فيها عن حزنها، بالإضافة إلى حذف مجموعة من الصور التي تجمعها بخطيبها.

وقالت في منشور لها جاء ردًا على تلك الشائعات: "أنا طول عمري بحس أي حاجة بقولها من غير ما أفكر أو أعمل حساب لحاجة و اللي عارف عن برج الحمل أنه مندفع ومتسرع ، وده أصلاً من أحد عيوبي إني متسرعة و مش صَبورة، و بنسي موضوع Public figure ده خالص مش متعودة، آه بحكم شغل ابويا كان ممكن حد يعرفني ولا حاجة بس دلوقتي الموضوع بقي مختلف بقيت الناس عرفاني انا و ده جديد عليا".

وتابعت: "انا مش بعرف أخبى حاجة كل اللي علي قلبي علي لساني فا دايماً اَي حاجة بكتب عنها مع كمان ان الناس اللي بتابعني بتزيد فا لازم اخد بالي، أصل انا برضه بتعامل عادي كأني بقول لصحابي بس في ناس إحساسها بيا مش كده، انا اصل برضة مش بحب اشوف الجانب الوحش، اَي حاجة بتسرع و بمشي ورا إحساسي و اكتبها من باب إني بفرغ طاقة زعل او فرح يقوم هوپ نازل خبر ، ساعات ممكن انزل حاجة و امسحها عشان مكنش مثلاً توقيتها صح مبلحقش أغير رأيي و ارجع في كلامي بتكون خلاص انتشرت، انا لسه بتعلم إني أبطل ابقي متسرعة و مندفعه و لازم يكون في خصوصيات في حياتي شويه عشان برضه إنتوا مش بترحموا، اللي بيقع مبتسموش عليه..انا قلت اقولكم اللي في قلبي ههههه هتعلم هتعلم".

وأضافت: "عموماً اهم حاجة بقى إنتوا وحشتوني يلا انا كنت بس في لخبطة و رجعالكم نلعب مع بعض و اقدملكم حاجات تفيدكم و تفيدني.. بحبكم و أكيد فهمتوا انا قصدي ايه (كله تمام)"

كانت أسما شريف منير قد احتفلت بخطبتها على الممثل محمود حجازي في 14 أكتوبر الماضي، بحضور العديد من نجوم الفن.

مواضيع متعلقة: 

محمد رمضان ينشر صورة مع ابنته كنز.. هل تشبهه؟

أسما شريف منير تزور خطيبها في كواليس أبو العروسة

علي ربيع ينشر صورًا من "سك على أخواتك" مع أهالي أسوان

نيللى كريم بإطلالة مختلفة فى "اختفاء"