علاء مرسي يصرح محمد هنيدي أضاع حلمي ...ما الحكاية!

حل الفنان علاء مرسي ضيفا على برنامج "العرافة" الذي تقدمه الاعلامية بسمة وهبة ويذاع على قناة المحور، وخلال الحوار صرح بعدة تصريحات كان أبرزها حدسثه عن الفيلم الذي كان يريد تقديمه ولكنه فوجئ بترشيح الفنان محمد هنيدي بدلا منه.

حيث قال: "كنت بعمل فيلم وده حلم حياتي أعمل الفيلم ده، وداخل أصور بعد أسبوع، خدوا مني الفيلم وأدوه لزميل تاني وأنا رحت رايح مكسر عليهم المكان وشاتمهم قالوا ده مجنون، قولتلهم ده فيلمي، أدوا لهنيدي الفيلم، ومتعملش، أداهوله محمد حسن رمزي".

وتابع: "خدوا الفيلم في الأول، كنت داخل أصور الأسبوع الجاي، المخرج كلمني، قالي يا علاء مفيش فيلم، ليه مفيش فيلم؟، قالي أصل السيناريست خد الفيلم وداه لمحمد حسن رمزي هيعلموه لهنيدي، قمت رحت أنا وعلى اللي سمعوه وشافوه بقى، قالوا ده مجنون، طب مجنون ليه، أنا جاي بقولك إنتوا بتعملوا الفيلم ليه؟، أنت مش من حقك تاخد فيملي، هنيدي كان قاعد وأنا بصرخ، بس خلاص هنيدي بعد، مكانش يعرف إن الفيلم ده بتاعي".

وأضاف: "لا أبرر الفشل الذي تعرضت له، وللأسف لو طلب صديق لي مجاملته الآن سأخرج أيضا لمجاملته".

"مكنتش باخد فلوس كويسة، وكنت أبحث عن التواجد، وأقصى أجر حصلت عليه في حياتي لم يكمل 400 ألف جنيه".

وأردف: "لست مغروراً وأنا من أعظم ممثلي مصر والوطن والمهنة، وربنا منحني موهبة كبيرة جداً وأعرف حجمها.. أنا أحد العظماء في التمثيل ولكنني غبي وجاهل إدارياً".

وواصل: "محمد سعد عظيم في المجال وكذلك كريم عبد العزيز، وهناك جمهور كبير يدعمني، ومفيش حد عليه إجماع".