مصطفى قمر يهاجم طارق الشناوي…"ماتتكلمش عني علشان ماتتهزأش"!

انتقد الفنان مصطفى قمر بشدة الناقد الفني طارق الشناوي بعدما وصف في إحدى مقابلاته التلفزيونية فيلم "أولاد حريم كريم"، الذي يعرض حاليًا في دور السينما، بأنه من بين أسوأ الأفلام والأعمال الفنية.

وجاء رد الفنان مصطفى قمر، من خلال منشور له حسابه الشخصي بموقع التواصل الاجتماعي "انستجرام":"هو انا مش طلبت منك تبعد عني اصلا وماتتكلمش عني علشان ماتتهزأش طيب انت اللي جيبته لنفسك عموما ياللي اسمك طارق انت كاتب كلام اهبل يدل للمرة المليون انك ماشفتش الفيلم وعموما اللي حيرد عليك جمهور السينما الحقيقي اللي دخل الفيلم اللي مالوش دعوة بالنفاق او مصلحة اي فيلم تاني (فكرني كدة شغلتك ايه").

يذكر أن الناقد السينمائي طارق الشناوي قد هاجم صناع فيلم "أولاد حريم كريم" قائلا: "فيلم "أولاد حريم كريم" من أسوأ الأعمال الفنية على الرغم من أن مخرجه علي إدريس مخرج مهم، وزينب عزيز كاتبة مهمة، ولكن اللي عملوه ملهوش علاقة بالجزء الأول، ولا فن السينما اللي بنعيشه دلوقتي وتراجع لزمن ما قبل الجزء الأول". وأضاف: "مشكلة مصطفى قمر إنه عايش على الزمن القديم، المطرب بيتعمل له أفلام إزاي؟ نرجع لأم كلثوم لما بتنجح بيتعملها فيلم، وعبد الحليم حافظ لما عمل أغنية "على قد الشوق"، فاتعمله فيلم مع شادية لإنه كان ناجح كمطرب، ولما بتفشل كمطرب مش هتصعدك السينما والسينما بتروح للبريق مش هي اللي بتعطيك بريق، مصطفى قمر في عز فشله كمطرب قرر إنه يعمل الفيلم واللي اشتغل معاه الجزء الثاني الحريم اللي مش مطلوبين أوي في السينما".

واستطرد: "ياسمين عبد العزيز الوحيدة اللي لها وهج واسم ورفضت تكون موجودة مع مصطفى قمر في "أولاد حريم كريم"، قالت لأ لإنها مش هتبقى موجود كنصف بطلة أو خُمس بطلة... كتابة "أولاد حريم كريم" قديمة أوي والتفاصيل معدتش تجيب ولا تضحك، ومصطفى قمر افتقد الوهج وفقد نجاحه وبيمثل الدور من غير حالة من الوهج والشغف، بيؤدي فقط حافظ مش حاب".

موضوعات متعلقة

شاهد بالصور لأول مرة والدة الفنان مصطفى قمر.. هل هناك شبه؟

هجوم كبير على مصطفى قمر بسبب هذه الصورة ويضطر لحذفها.. ما الحكاية؟