بطلة الحاج متولي تهاجم طليقها وتفتح عليه النار لهذا السبب.. ما الحكاية؟

هاجمت الفنانة عايدة غنيم، والتي اشتهرت بتقديم مسلسل الحاج متولي عام 2001، طليقها بشراسة، وفتحت عليه النار، وكشفت لجمهورها تفاصيل معاناتها في تربية ابنها بعيدًا عن طليقها الذي لم يراعي ربنا فيه، على حد قولها.

بطلة الحاج متولي تهاجم طليقها وتفتح عليه النار

ومن خلال حساب الفنانة عايدة غنيم، على تيك توك، قامت الفنانة بمهاجمة طليقها بكلام حاد، قائلة: "ياريت تحترموا صمتي وسكوتي وإني عايشة في حالي وبربي ابني وربنا ما يحوجني ليكم ولا يحوجني لأي حد، متتكلموش من ورايا وتقولوا إحنا بنصرف، ده محصلش وكل حاجة عندي بالمستندات سواء مصاريف وأدوية بالتفاصيل، واللي عنده غير كده أو دفع جنيه لـ ابني يواجهني، أو اللي جابله فانوس رمضان ولا إداله 10 جنيه عيدية يجي يقولي".

وتابعت عايدة قائلة: "لو هنهبد كتير في الموضوع ده عليا وعلى أعدائي وحق ابني هاخده وبالقانون وهتبقوا أنتم اللي اضطرتوني لـ ده".

كما هاجمت الفنانة عايدة غنيم طليقها مرة آخرى، بسبب عدم تحمله مصاريف ابنه، قائلة: "مفيش حد بيصرف جنيه على ابني ولا حد يعرف حاجة عن ابني هو خف ولا لأ، وأشعاته وتحاليله أنا اللي متكفلة بيها ومتحملة مسئوليته كلها".

وتابعت حديثها: "مفيش حد بيصرف على ابني جنيه ولا قريب ولا غريب، وأنا مش مانعة إن حد يشوف ابني لأني مش هتعب نفسية طفل وعمري ما هحرم ابني من إن حد يشوفه ده إذا كان حد عايز يشوفه، أنا نفسي قولت يا جماعة الولد مالوش علاقة بأي خلافات ومع ذلك ولا أي حد اهتم ولا حد سأل.. محدش بعد كده يجي يقول إحنا بنصرف، مش معنى إني ساكتة أنا مش بتاعة وجع دماغ ولا ليا في المحاكم والقضايا أنا ست في حالي وبربي ابني والحمد لله ربنا بيرزقني برزقه وطول ما ربنا رازقني خلاص الفلوس دي آخر حاجة أفكر فيها".

واختتمت كلامها قائلة: "حقي اتنازلت عنه ولكن حق ابني مش من حقي إني أتنازل عنه، ومش معنى إني مطلبتهوش إني اتنازلت عنه ده محصلش ويشهد ربنا على كل كلمة بقولها وكل الناس القريبين مني عارفين ده".