شريف دسوقي يثير الجدل بكلامه عن أزمته المالية: عدت عليا أيام مش لاقى الرغيف الحاف وطلعت عابر سبيل

تصدر الفنان شريف دسوقي، تريند مواقع التواصل الاجتماعي، خلال الساعات القليلة الماضية، وذلك بسبب مشاركته لجمهوره تفاصيل أزمته المالية في فترة من حياته، وأوضح ذلك بعدما طلب من النجم أحمد العوضي أن يشتغل معه، ووافق الأخير على طلبه.

شريف دسوقي يثير الجدل بكلامه عن أزمته المالية

فقد شارك الفنان شريف دسوقي، جمهوره، بعض التفاصيل الخاصة عن حياته، وذلك عبر حسابه الشخصي على موقع التواصل الاجتماعي "فيسبوك"، وكشف عن تفاصيل معاناته المالية، وأشار إلى أنه لم يملك رقم الهاتف الخاص بالنجم أحمد العوضي، قائلًا: "يسعد ربى قلوبكم وييسر عليكم أيامكم .. عايز انوه بس على حاجه مهمه فى موضوع رسالتى للنجم الجميل الإنسان.. احمد العوضى".

وتابع شريف دسوقي: "لاقيت ناس بأعداد لاتتخيلوها داخله تقولى انا متعسر ومديون بالله عليك كلملى احمد العوضي.. و اللى داخل يقولى شغلنى معاك ويحلفنى بالآلاف الحلفنات".

وأضاف "دسوقي": "طيب بالعقل كده.. هوا انا لو معايا تليفون النجم الخاص هاكتبلوا قدام العالم كله..عايز اشتغل معاك.. اتقوا الله بالله عليكم.. وانا فى حاجه مستغربلها وبرج من دماغى هايطير على الأعداد المهوله اللى بتدخل تكلمني خاص عشان اساعدها ماديا وبارقام لاتتخيلوها".

واستطرد شريف: "بسأل نفسى سؤال طبيعى جدا..يعنى انت او انتى بتقول مش لاقى تاكل ..لكن معاك تشحن الاندرويد وتتسول بيه .. طيب اللى بيطلب ده او دى..فى حاجه فى دينا بتقول .. تراهم اغنياء من كثرة التعفف ..فين عزة النفس والنخوه والكرامه".

وتابع: "ياجماعه وبكل وضوح انا جايب الدنيا بطولها وعرضها شقى ويامه عدت عليا ايام قسما بالله مش لاقى الرغيف الحاف..طلعت عابر سبيل الف فى كل شوارع اسكندريه على شغل ..اكل عيش يعنى وعمرى ماقلت لحد سلفنى فى عز ماكنت مديون لطوب الارض وسعى وتعب ومقاومه وجلد لحد مارينا والحمد لله كرمني وسترنى".

واختتم شريف دسوقي: "عشان بس ماحدش من اللى هيدخل يعلق يزايد عليا او يقولى انى مش حاسس بالناس.. اتقوا الله واسعوا واشقوا فى الحياه لآخر نفس .. وختاما ان الله لايحب المتواكلين ولا اليائسين".

ومن ناحية آخرى، كان الفنان شريف دسوقي علق على فيديو "لايف" الفنان أحمد العوضي، منشورًا عبر حسابه الشخصي على موقع التواصل الاجتماعي "فيسبوك"، قائلًا: "عاوز اشتغل معالك"، ليرد عليه العوضي قائلًا: "الزميل الغالي علي قلوبنا أنا مشفتش التعليق علي اللايف للأسف وطلبك علي رأسي يا شريف انا اتشرف بالشغل معاك يا حبيبي وأزيد بيك وأعلي بيك وأن شاء الله هيجمعنا عمل في الوقت القريب وأنا من معجبينك يا شريف ومن محبين دورك الجميل مع الزميلة الغالية نيللي كريم في مسلسل ب ١٠٠ وش".