ميار الببلاوي تكشف تفاصيل عن علاقة أحمد السقا بمها الصغير وتعلق بعد إعلان زواجها من طارق صبري: "إزاي بعد 26 سنة؟"

أثارت الإعلامية ميار الببلاوي جدلًا واسعًا بعد تعليقها المؤثر على الأزمة التي يمر بها الفنان أحمد السقا، عقب تداول أنباء ارتباط طليقته الإعلامية مها الصغير بالفنان طارق صبري، مع اقتراب إعلان زواجهما رسميًا بعد أشهر قليلة من الانفصال.

ميار الببلاوي تكشف تفاصيل عن علاقة أحمد السقا بمها الصغير وتعلق بعد إعلان زواجها من طارق صبري

ونشرت ميار تدوينة على صفحتها الشخصية عبر موقع "فيسبوك"، تحدثت فيها بحرقة عن علاقتها القديمة بالسقا، وكشفت عن تفاصيل مؤثرة تخص علاقته بمها، ومدى الصدمة التي يعيشها حاليًا، قائلة: "مش عارفة أنام من زعلى على أخويا وعشرة عمرى أحمد السقا ،والله ما ببالغ لأنى عارفة أحمد كويس أوى حتى لو السنين بعدتنا وعارفة إحساسه يا قلبى دلوقتى الفروسية اللى فى شخصية أحمد مش بيظاهر بيها يا جماعة هو فعلا جواه فروسية نادرة فى الزمن ده.. راجل بيته حنين على مراته وولاده".

وأضافت: "لسه فاكره اليوم اللى شاف فيه مها وقرر يخطبها وكنا بنصور مسلسل رد قلبى فى استوديو الأهرام وأنا ورامز كنا قاعدين بنحفظ مشهد دخل وقالى ميورة عاوزك قلتله فى إيه خضتنى وساعتها كان صاحبه أوى الفنان الجميل أخونا خالد محمود قالى باركى لأخوكى قلتله ليه مسلسل جديد قالى لا هخطب مها الصغير قلتله يا شيخ قالى اه وبحبها أوى قلتله دى قمراية وباباها أخلاق وكلنا بنحبه فعلا وشه كان بيتنطط من الفرحة.. ومرت السنين وطلعنا الحج سوا وكانت معانا مها خوفه عليها واهتمامه بيها والله شهادة حق راجل بمعنى الكلمة وهى كانت جميلة وكيوت وبتسمع كلامه وبتحترمه".

واختتمت ميار كلامها بتأثر: "فى ايه يادنيا دول ٢٦ سنة وشباب وبنوته الله يربط على قلبك يا قلب أختك. مقلناش حاجة حقها ترتبط بعد الطلاق بس حرقة قلبه دلوقتى مش عليها على ولاده وصدمتهم فى أمهم رغم إنها معملتش حاجة غلط بس فى اعتبارات وكلمتى ليك يا أحمد ادعى وإنت على جبل عرفات أن يؤجرك الله فى مصيبتك ويخلفك خيرا منها واللى بيمشى هو الخسران أو الكسبان حاجة ترجعله .ترجع بالسلامة يافارس الفرسان وأزمة وتعدى وياما دقت على الراس طبول يا حبيبى وإنت قدها وادود ركز فى حجك وترجع ربنا هيراضيك وكل سنة وإنت فارس وجدع وسيد الناس".

وفي سياق متصل، أكّد الصحفي أيمن نور الدين، خلال مكالمة هاتفية في برنامج "تفاصيل" مع الإعلامية نهال طايل، عبر قناة "صدى البلد 2"، أن خبر ارتباط مها الصغير وطارق صبري حقيقي تمامًا، وليس مجرد إشاعة.

وقال نور الدين: "مصادري مؤكدة جدًا وقريبة من الطرفين، الموضوع مؤكد بنسبة 100%، وتم الإعلان عنه بالفعل، وكان فيه نية لعقد القران، لكن الضغط الإعلامي وردود الأفعال على السوشيال ميديا قد تدفعهم للتراجع مؤقتًا."

كما كشف نور الدين عن تفاصيل جديدة حول بداية العلاقة بينهما، موضحًا أن مها الصغير استضافت طارق صبري ضمن برنامج جديد لم يُعرض بعد، وكان ضيفًا ضمن نخبة من الفنانين، ما كان البداية للتقارب بينهما.