صديقة ياسمين صبري تشن هجومًا عنيفًا على والد الفنانة: اللي أبوها نشره يثير اشمئزازي لدرجة مقرفة حقيقي.. ما الحكاية؟

بعد التصريحات التي أطلقها الدكتور أشرف صبري والد الفنانة ياسمين صبري، والتي كشف من خلالها كذب ادعائها على حد قوله، بعد حديثها عن انقطاع علاقتهما منذ طفولتها، وتبرئه من زيجتها الأخيرة، ليكون الأمر بمثابة المفاجأة للمتابعين، شنت إحدى صديقات الفنانة الشابة هجومًا عنيفًا على والد الأخيرة، وذلك من خلال حسابها الشخصي على موقع التواصل الاجتماعي "فيسبوك".

وقالت لبنى صديقة ياسمين: "أنا حاسة بغضب شديد جدًا، عمري ما فكرت أرد ولا أتكلم لكن اللي بيحصل ده تهريج، ياسمين أشرف صبري صديقتي منذ الطفولة وحتى الآن، تربطني بيها علاقة صداقة وحب وتفاهم وإنسانية بلا حدود".

وأضافت: "اللي أبوها نشره يثير اشمئزازي لدرجة مقرفة حقيقي، أنت مين؟ أنت كنت فين؟ أنت جيبت عربية؟ هههههه، أنت صرفت عليها جنيه؟ أنت تعرف إيه عنها، أنت شوفتها بس في الكام صورة اللي أنت حاططهم فقط لا غير".

وتابعت: "أنت محضرتش معاها أي حاجة في حياتها ولا تعرف عنها أي حاجة، أنت سنين تختفي وتظهر يوم في نادي سبورتنج تاخذ صورة وتختفي، أنا عشت مع ياسمين في المدرسة وفي النادي طول طفولتي ما افتكرش إني شفت حد رباها ولا كان معاها غير كريمة الله يرحمها جدتها، وأمها كانت في الخارج بتشتغل عشان تبعت فلوس عشان تعيش ياسمين في مستوى كويس".

واستطردت: "طلعتها جدتها رياضية، طموحة، ربتها على القناعة، تيجي أنت دلوقتي بعد كل ده افتكرت أن ليك أولاد، لما بقت مشهورة، أخص وألف أخص، أنا قرفانة من الآباء اللي بالمنظر ده، أنا افتكر الكام مرة اللي شفتك فيهم كنت تشوفنا صدفة وتقعد تتريق علينا وأننا شباب ضايعين بس ربنا كبير، حسبى الله ونعم الوكيل".

يذكر ان والد الفنانة ياسمين صبري قد كتب منشورًا منذ أيام جاء فيه: "فرح ابني بكرة ربنا رزقه بأجمل عروسة، أما إن أمه واخواته الأشقاء رفضوا حتى يباركوله فربنا رزقه بأم تانية عملت كل حاجة، وأخوات تانيين لم تغريهم الأموال ولا طيارات وكدب وخداع، أصبح لابني إخوات جدد وأم جديدة، حفظه الله من الشياطين".

وتابع: "حبيبي ربنا بيدي أم ماخلفتش وبيدي إخوات أحن من إخواتك وربنا يخلي أيامك كلها سعادة يا ابني وحب، ولا وجود في حياتنا لناس ليس لهم قيمة في حياتنا فملأت قلوبهم حقد وكره فقط لأن معاهم فلوس، فعلًا الفلوس بتغير النفوس".
ومن هنا بدأت المعارك الكلامية بين الاثنين.