فنان يهاجم رضوى الشربيني بغضب: لو كنتِ مراتي كنت طلقتك من تاني يوم

هاجم الفنان محمد التاجي، الإعلامية رضوى الشربيني، مذيعة برنامج "هي وبس" الذي يعرض على قناة "cbc سفرة"، ويختص بالحديث عن المشاكل الأسرية، وخاصةً النسائية، حيث تسعى "الشربيني" لمساعدة النساء على جعلهن أقوياء يطالبن بحقوقهن ويواجهن الرجال، مما قد يدفع البعض إلى طلب الطلاق.

وجاء هجوم الفنان محمد التاجي على الإعلامية الشابة، لأنه يرى أن برنامجها يمهد لحرب أهلية بين الرجال والنساء، وأنها تهدف لهدم المجتمع بين الجنسين.

ونشر "التاجي" فيديو عبر حسابه الشخصي على موقع التواصل الاجتماعي "فيس بوك"، مهاجمًا فيه رضوى الشربيني، قائلًا: "دي بتهد دعائم الأسرة.. طب انتِ ست فشلتي في جوازك وأنتِ أكيد السبب لأنك لو مراتي أنا كنت طلقتك من تاني يوم.. أنا لا اتحمل واحدة ست تتكلم معايا بالشكل ده".

وتابع: "ليه سايبين رضوى دي تبرطع وتقول اطلقي واعملي وسوي .. انا مبشاهدش برنامجها الحمد لله.. لكن أنا كل اللي بيوصلني عن البرامج دي منها، ودلوقت الستات اتقوت وفعلا كل واحدة طالعة تعمل كوميكس على الراجل وتقل من قيمته.. انتوا عايزين مجتمع يقام على ايه بالظبط؟! إن الراجل يبقى دلدول في إيد الست، احنا مش هنبقى كده وتحملوا بقى نسب الطلاق العالية اللي بتحصل".

وأكمل حديثه بغضب: "مفيش راجل يتحمل على نفسه إن واحدة ست تهزأ فيه، والله العظيم عيب أنتم بتهدوا كيان المجتمع المصري بالشكل ده، كل محطة تليفزيون عاملة برنامج للستات عشان يطلعوا يتريقوا على الرجالة وتقول إحنا مظاليم، انتوا فين المظاليم؟!، انا لو بنتي لقتها محترمتش جوزها اقسم بربي لاقوم عليها أنا مش هخليه هو اللي يقوم عليها يعدلها، لأن هو كمان بيحترمها.. الراجل بيحترم مراته".

وأوضح الفنان محمد التاجي خلال حديثه، أنه تزوج منذ عام 1984 ولم تقم زوجته أبدًا بتصرف مماثل لما تحرض عليها الإعلامية رضوى الشربيني.

والجدير بالذكر، أن رضوى الشربيني، بدأت في تقديم برنامجها "هي وبس"على قناة سي بي سي سفرة منذ ثلاث سنوات، وتحديدًا في فبراير سنة 2017، وحققت من خلاله انتشارًا واسعًا وهجومًا في كثير من الأحيان، بسبب تصريحاتها.

موضوعات متعلقة:

الصور الأولى لرضوى الشربيني بعد زيادة وزنها في الحجر الصحى

أول ظهور لشقيق رضوى الشربيني وسيم ويشبهها

رضوى الشربيني تتحدث عن طليقها لأول مرة وتدافع عنه

بسنت شوقي ترد بغضب على منتقدي فستانها المكشوف لو أنا في هوليوود كان هيبقي واو فظيع