6 عادات قبل النوم تزود جمالك

6 عادات قبل النوم تزود جمالك، لو عايزة تصحي تاني يوم بوجه مشرق وجميل، كل اللي عليكي هو الالتزام بمجموعة العادات اللى كتباها لك لهلوبة، وهما عبارة عن نصايح سهلة وبسيطة تقدري تعمليهم من غير أي مجهود بس نتايجهم عظيمة لجمالك.

1- امسحي المكياج قبل النوم:

لازم تزيلي اي اثار للمكياج من كل وجهك قبل النوم، باستخدام الطريقة المناسبة، واغسليه، ونامي بيه نضيف وبيتنفس. 

2- نامي على مخدتين:

المخدات المتعبة بتعمل ورم في الوجه من غير ما تحسي، لانها تسبب عدم وصول الدم بشكل صحيح للراس، علشان كده استخدمي مخدتين بس، حجمهم كويس ومريح، يرفعوا راسك في مستوى الكتف وتبقى الرقبة مرتاحة.

3- نضفي وجهك:

قبل ما تنامي اعملي ماسك تنضيف للبشرة أو استخدمي غسول ينضف المسام من آثار التراب او المكياج.

4- الكريمات مهمة:

استخدمي كريم للايد والقدمين، وكريم لمنطقة تحت العين علشان يحافظ على ترطيب بشرتك طول الليل، او ممكن تستخدمي زيوت طبيعية زي اللوز أو جوزالهند والخروع للرموش والحواجب هيساعدوا في تتقيلهم.

5- اربطي شعرك :

بلاش الشعرك المفرود قبل النوم، يفضل تربطيه للخلف علشان لا يتعقد ولا يتقطع.

6- نامي كفاية:

8 ساعات متواصلة من النوم هتضمن لك بشرة أحسن ومرتاحة أكتر. 

موضوعات متعلقة:

8 أضرار لتناول الطعام قبل النوم و8 أكلات تجنبي تناولها ليلً

عادات ضارة قبل الذهاب الى النوم تجنبي فعلها

عاداتك اليومية تسبب آلام عمودك الفقري