ياسمين غيث تحكي واقعة تعرضها للتحرش من مدرس لها في الثانوية العامة
بواسطه روضة إبراهيم الثلاثاء , 7 يوليو 2020 ,12:46 م
.png)
كشفت الفنانة ياسمين غيث عن تعرضها للتحرش من مدرس لها في مرحلة الثانوية العامة، وتسببت هذه الواقعة في تركها للمدرسة بعد عدم تعرض المدرس إلى المساءلة بسبب منصبه.
وقد ظهرت ياسمين غيث في مقطع فيديو عبر حسابها الشخصي على موقع "انستجرام"، وعلقت قائلة: "أنا حصلتلي حادثة وأنا في تانية ثانوي اذيتني، وعشان كدة أنا فكراها لغاية دلوقتي، المدرس كان بيدرسلي كيمياء، كان سبب إني أكره المادة والمدرسة، كان من النوع اللي بيلمس بطريقة مش مريحة وبيعمل ده مع أي بنت وكان معروف ومحدش خد معاه أي إجراء، لأنه كان في منصب كبير فى المدرسة، ولما حاول يمسكني بطريقة مش مريحة مسكتش وهزقته".
وتابعت: "كانت بالنسبالي صدمة كبيرة عشان المدرس كان أكتر حاجة ببصلها باحترام لكن رحت قولت لأمي ورحنا اشتكينا لمدير المدرسة ومفيش أي حاجة حصلت، والمدرس سقطني في المادة وكانت النتيجة إني مشيت من المدرسة".
وأكملت حديثها: "وعلى فكرة المدرس ده كان متجوز واحدة زي القمر، مفيش سبب أيًا كان لتبرير التحرش".
وتحدثت ياسمين غيث عن قضية المتحرش أحمد بسام ذكي، المتداولة عبر مواقع التواصل الاجتماعي، قائلة: "القضية دي اتعرفت عشان ظهرت علي السوشيال ميديا، لكن فى كل يوم حوادث بتحصل لبنات وفي منهم اللي حياتهم بتدمر بسبب ده، وفي منهم اللي بينتحر وفى اللي بيخاف يتكلم".
وطالبت ياسمين الفتيات اللاتي تعرضن للتحرش بعدم السكوت عن حقهن وبضرورة تقديم بلاغات للشرطة ضد المتحرشين لاتخاذ الإجراءات القانونية اللازمة ضدهم، لوقف التحرش.
وعلقت "غيث" على الفيديو، قائلة: "كل ست في العالم حصل لها تحرش بطريقة أو بأخرى، وماينفعش تسكتي، قولي ماتسكتيش إتشجعي وافضحي اللي آذاكي علشان يتأذي هو كمان، حتي لو آذاكي معنويًا فقط".
وكانت الأيام القليلة الماضية قد شهدت انتشارًا لقضية أصبحت حديث الرأي العام، حينما قررت مجموعة كبيرة من الفتيات الكشف عن تعرضهن للاغتصاب والتحرش من قبل شخص يُدعى أحمد بسام زكي، وقمن بسرد تفاصيل تلك الوقائع، الأمر الذي دعا الجهات الأمنية للقبض عليه منذ أيام، حيث يخضع حاليًا للتحقيق أمام النيابة العامة.
موضوعات متعلقة:
عباس أبو الحسن يتهم طبيب أسنان شهير بالتحرش محتاجين نفوق المجتمع
الفنانة مايان السيد تكشف تعرضها للتحرش من أحد الممثلين ما الحكاية؟
